ਕੁਝ ਰਿਸ਼ਤੇ ਆਪ ਹੀ ਉੱਗਦੇ ਹਨ
ਕੁਝ ਰਿਸ਼ਤੇ ਉਗਾਏ ਜਾਂਦੇ ਹਨ

ਰਿਸ਼ਤੇ ਆਪ ਨਹੀਂ ਪਲਦੇ
ਰਿਸ਼ਤੇ ਪਾਲੇ ਜਾਂਦੇ ਹਨ

ਰਿਸ਼ਤੇ ਆਪ ਨਹੀਂ ਸਮਝਦੇ
ਇਨ੍ਹਾਂ ਨੂੰ ਸਮਝਣਾ ਪੈਂਦਾ ਹੈ

ਰਿਸ਼ਤਿਆਂ ਨੂੰ ਜਿਉਂਦੇ
ਰੱਖਣ ਲਈ
ਲੈਣ ਨਾਲੋਂ
ਦੇਣਾਂ ਜ਼ਿਆਦਾ ਪੈਂਦਾ ਹੈ

ਰਿਸ਼ਤੇ ਅੱਗ ਹਨ -
ਇਹ ਸਾੜ ਵੀ ਸਕਦੇ ਹਨ
ਇਹ ਨਿੱਘ ਵੀ ਦਿੰਦੇ ਹਨ

ਰਿਸ਼ਤੇ ਬਰਫ਼ ਵਾਂਗ ਹਨ
ਖੂਬਸੂਰਤ ਵੀ ਲਗਦੇ ਹਨ
ਇਹ ਜਿਸਮ ਨੂੰ
ਜਮਾ ਵੀ ਸਕਦੇ ਹਨ

ਰਿਸ਼ਤੇ ਦੋ-ਪਾਸੜ
ਸੜਕ ਵਾਂਗ ਹਨ
ਇਨ੍ਹਾਂ ਨੂੰ ਇਕ-ਪਾਸੜ
ਸਮਝ ਕੇ
ਜ਼ਲੀਲ ਹੋਣ ਵਾਲੀ
ਗੱਲ ਹੈ

ਰਿਸ਼ਤੇ ਰੂਹ ਦੀ
ਖ਼ੁਰਾਕ ਵੀ ਬਣ ਸਕਦੇ ਹਨ
ਅਤੇ ਜ਼ਹਿਰ ਵੀ

ਰਿਸ਼ਤੇ ਖ਼ੁਦਗਰਜ਼ ਵੀ
ਹੋ ਸਕਦੇ ਹਨ
ਅਤੇ ਨਾਖ਼ੁਦਗਰਜ਼ ਵੀ

ਰਿਸ਼ਤੇ ਵਫ਼ਾ ਵੀ
ਹੋ ਸਕਦੇ ਹਨ
ਅਤੇ ਬੇਵਫ਼ਾ ਵੀ

ਰਿਸ਼ਤੇ ਨਿਭਾਉਣੇ ਹੀ ਔਖੇ ਨਹੀਂ
ਰਿਸ਼ਤਿਆਂ ਦੀ ਗੱਲ ਕਰਨੀ ਵੀ
ਔਖੀ ਹੈ

www.jashanriar.blogspot.com